•  Кітапқа қатысты қандай қорқыныш бар?

Библиофобия - кітапқа, кітап оқуға деген қорқыныш. Біреулер кітап мазмұнынан қорқады, біреулер оны ұстауға қорқады, енді біреулер кітапханаға барудан да қорқуы мүмкін. Кейбір адамдар дауыстап оқудан қашады. Олар бұдан терлеп, қобалжып, тіпті жылап та жібереді. Библиофобияға шалдыққан оқушылар стресске түспеуі үшін сабаққа бармай, қашып жүреді. Бұл қорқыныштан арылу оңай емес. Бәлкім оның бойында кішкентайынан қалыптасып қалған үрей болуы мүмкін.

Мифобобия - жалған ақпараттарға деген қорқыныш;
Метрофобия - поэзияға қорқыныш.

• Кітапты басына қою арқылы Гиннес рекордын жаңартқан.

2012 жылы 13 қараша күні Австралияда 998 адам басына кітап қойып Гиннес рекордына кірген. Идея авторы, шараны ұйымдастырған 11 жасар Даниэль Ди Маси бұл істі бастауына не түрткін болғанын айтты. Ол жергілікті халық балаларының сауатын арттыруды көздеген екен. Сонымен қатар, кітапқа мұқтаж жандарды кітаппен қамтамасыз етуді қалаған.

Солтүстік Сиднейде колледж студенттері мен ұстаздары кітап оқудың орнына 998 кітапті басына қойып 5 метр жүрген. Осылайша Филиппиндегі 2008 жылғы нәтижені жаңартып, Гиннес рекордына кірген. Іс-шарадан кейін кітаптың бәрін Кения мен Танзаниядағы кітапқа мұқтаж балаларға таратып берген. 

• Ең танымал кітап қандай?

Әлемдегі ең танымал кітап - 1450 жылы жарық көрген “библия”. Бұл кітаптың 1815 жылдан бастап 1975 жыл аралығында 2.5 миллиард көшірмесі сатылған. Осы күнге дейін бұл көрсеткіш еселенгені анық. 

Ал қазіргі заманауи кітаптар әлемінде “ең көп сатылған кітап” Хәрри Поттер жайлы кітаптар. Оның ең алғашқы кітабы “Хәрри Поттер және Пәлсапа тасы” 1997 жылы жарық көрді. Ал 2020 жылдың қаңтарға дейін 500 миллион көшірмесі сатылған. Сонымен қатар, “Хәрри Поттер” кітабы әлемнің 80 тіліне аударылған. “Хәрри Поттер және Пәлсапа тас” кітабын қазақ тіліне 2020 жылы “steppe and world” баспасы аударды.

Дереккөз: "год литературы"
Авторы: Жадыра Жанарбек