Жалпы адам баласына 4 маңызды нәрсе жетпей жүреді:

1.    Ақша
2.    Энергия
3.    Уақыт
4.    Статус

Жеке тоқталайық.

Ақша – ол сондай зат, сенің қолыңа тиісімен армандарыңды сатып аласың немесе оған жұмыс істетіп көбейтесің. Мен ақша деген затқа соңғы айтылған көбейтуші құрал ретінде қараймын. Санасы бай адамдардың балығы осындай көзбен қарайды. Ал санасы кедей адамдар оны ұнаған затын лезде сатып алу құралы деп санайды. Жоқ, ақша – кемшіліксіз құл. Өйткені ол ешқашанда шаршамайды, демалыс сұрамайды, ауырмайды, қартаймайды, ұзақ жылдар бойы жұмыс істей береді.

Энергия – сенің бойыңдағы алпауыт күшің. Оны дұрыс пайдалану арқылы мақсатыңа жету жолында қолданасың. Сүйікті ісіңді беріліп жасай аласың. Өкінішке қарай, санасы кедей адамдар оның қадіріне жетпей, не оны қолданй, не оны аз ақшаға алмастырып жүреді.

Уақыт – айтпаса да түсінікті. Бірақ сен біліп жүруге тиіс нәрсе келесідей. Мына дүниеде кез келген адам өзінің уақытымен өлшенеді. Мысалы, сенің де, өзгенің де тәулікте 24 сағат уақыты бар. Бірақ осы уақыт аралығында біреулер миллиондаған табыс тапсы, біреулер жүз теңгенің басын құрай алмай әлек. Сенің айлығың қанша? Сол соманы табу үшін күніне қанша уақыт жұмыс істейсің? Енді сол санды 26 (жұмыс күшіне) көбейт. Шамамен, 240-250 сағат, солай ма? Содан соң айлығыңды осы шыққан санға бөлсең, сенің бірсағатыңның құны шығады. Не дейсің? Енді сенің бір сағатыңды сатып алуыма бола ма? Әлде келіспейсің бе? Ал, сен келісіп қойғансың.

Статус – бұл көпшіліктің арманы. Генерал болғысы келмейтін солдат жоқ дгенді естігенің бар ма? Солайй, бәріне де статус керек. Бәреу директор, біреу бөлім басшысы дегендей, әйтеуір шенді болғысы келеді. Бірақ есіңде болсын, ешқандай бизнесмен көпшілік жағдайда өзін директормын деп атамайды. Олар өйткені бай саналылар. Олар қожайын ғана болады. Ал ешқандай ресми құжатта қожайын деген сөз жоқ. Бұл не деген сөз? Статусты алғысы келетіндер ала берсін. Біз басқа нәрсе туралы айтамыз.

Дереккөз: «Өз ісіңді тап» кітабы. Авторы: Жеңіс Есенкелді

Автор арықарай не туралы айтқысы келгенін білгіңіз келсе, туындыны оқысаңыз болады.